Forum Home Forum Home > Rugby Competitions > Rugby Championship (Sanzaar)
  New Posts New Posts RSS Feed - Wallabies volg nie Bokke se voorbeeld
  FAQ FAQ  Forum Search   Events   Register Register  Login Login


The Lions are playing the Sunwolves in Singapore on Saturday 23 March 2019, kickoff 12:55 SA Time

Wallabies volg nie Bokke se voorbeeld

 Post Reply Post Reply
Author
Message
Transvaal View Drop Down
Admin Group
Admin Group


Joined: 30-Mar-2016
Status: Online
Points: 27105
Post Options Post Options   Thanks (0) Thanks(0)   Quote Transvaal Quote  Post ReplyReply Direct Link To This Post Topic: Wallabies volg nie Bokke se voorbeeld
    Posted: 26-Feb-2019 at 1:45pm
https://www.netwerk24.com/Sport/Rugby/wallabies-volg-nie-bokke-se-voorbeeld-20190226

Die Aussies sal nie Suid-Afrika se voorbeeld volg en beperkings op oorsese spelers wat die land verteenwoordig, skrap nie, sê Raelene Castle, Rugby Australië (RA) se uitvoerende hoof.

Die rugbymoondhede in die Suidelike Halfrond verloor die stryd teen oorsese geldeenhede en het die afgelope jare verskeie reëls daargestel in ’n poging om hul toetsspanne mededingend te hou.

Suid-Afrika se reël dat slegs spelers wat 30 of meer toetse vir die Bokke gespeel het van oorsese klubs af gekies mag word, is die naweek formeel geskrap. Dit is in 2017 ingestel, maar dit kon nie die uittog van spelers stuit nie.

Australië het voor die vorige Wêreldbekertoernooi in 2015 ’n soortgelyke maatstaf, die sogenaamde Giteau-reël wat spelers vereis om ’n minimum van 60 toetse te speel, ingestel en Castle sê dit werk goed.

“Ons is baie gelukkig met die uitkomste,” sê sy.

“Die Giteau-reël word gereeld hersien om te verseker dit voldoen aan die uitkomste waarvoor ons dit ingestel het en ons is tevrede.

“As jy 60 toetse vir jou land gespeel het, verdien jy die kans om ander geleenthede te oorweeg, terwyl jy ook die volwassenheid en vlak van professionaliteit bereik het waar jy kan terugkeer na die Wallaby-omgewing en dadelik inpas.

“Ons voel as ons die kerf verminder, staan ons ’n kans om ’n klomp talent te verloor wat tans hier Superrugby speel.

“En Superrugby is ook vir ons baie belangrik want ons wil verseker ons vier spanne vertoon goed in die reeks.”

Michael Cheika, afrigter van die Wallabies, was deurslaggewend in die instelling van die Giteau-reël en het dadelik gebaat met die toevoeging van ervare agterspelers soos Matt Giteau en Drew Mitchell in sy groep vir die skouspel in 2015.

Australië het die eindstryd in Engeland gehaal, maar sukkel sedertdien om vertroue by hul ondersteuners in te boesem dat hulle ’n derde Wêreldbekertitel kan verower.

Daar was darem ’n klompie positiewe tekens in die eerste twee weke van die nuwe Superrugbyseisoen, terwyl die gehalte spelers wat beskikbaar word sou Australië sy beperkings skrap, nie naastenby so goed soos vier jaar gelede is nie.
Back to Top
 Post Reply Post Reply
  Share Topic   

Forum Jump Forum Permissions View Drop Down

Forum Software by Web Wiz Forums® version 12.01
Copyright ©2001-2018 Web Wiz Ltd.

This page was generated in 0.055 seconds.