Forum Home Forum Home > Rugby Competitions > Super Rugby
  New Posts New Posts RSS Feed - Bulle slaag in ‘7 uit 8 doelwitte’
  FAQ FAQ  Forum Search   Events   Register Register  Login Login


The next game for the Lions is against the Jaguares in BA on 1 Feb 2020, kickoff at 23:40 SA Time.

Bulle slaag in ‘7 uit 8 doelwitte’

 Post Reply Post Reply
Author
Message
Transvaal View Drop Down
Admin Group
Admin Group


Joined: 30-Mar-2016
Status: Offline
Points: 31352
Post Options Post Options   Thanks (0) Thanks(0)   Quote Transvaal Quote  Post ReplyReply Direct Link To This Post Topic: Bulle slaag in ‘7 uit 8 doelwitte’
    Posted: 26-Nov-2019 at 8:12am
https://www.netwerk24.com/Sport/Rugby/bulle-slaag-in-8-uit-9-doelwitte-20191125

Dit was ’n jaar van uitdagings by Loftus Versfeld, maar die Blou Bulle Maatskappy (BBM) het nietemin in sewe van sy agt strategiese doelwitte geslaag, sê Alfons Meyer, uitvoerende hoof van dié maatskappy.

Die 2019-seisoen was Meyer se eerste in dié warm stoel en hy gee toe dit was baie moeiliker as wat hy voorsien het. 

“Die enigste doelwit waarin ons nie geslaag het nie, was om die meeste van ons topspelers te behou. Met die swak rand was dit egter ’n bykans onmoontlike taak.” Meyer sê in sy jaarverslag die Bulle het daarin geslaag om 23 spelers van vanjaar se Superrugby-groep vir die 2020-veldtog te behou.

Die BBM moes sy spelerspoel vanjaar aansienlik verklein en die mikpunt is om die nuwe seisoen met sowat 90 gekontrakteerde spelers, waarvan 45 senior spelers, in te gaan. “Ons het in die stadium reeds 60 spelers laat gaan en trek tans by 115. Een van die strategiese doelwitte is om die volgende Super-span te identifiseer en te bou.”

Hy sê ondanks die groot uittog na Europa en Japan, is daar ’n blink toekoms vir die BBM. 

“Ons o.21- en o.19-spanne het vanjaar hul onderskeie Saru-kompetisies gewen en ons het byna al die spelers gekontrakteer vir die volgende twee tot drie seisoene.” 

Meyer sê hoewel hulle met die verlies van die drie Springbok-slotte, Lood de Jager, RG Snyman en Jason Jenkins, die dienste van oud-Bok Juandré Kruger bekom het, is hulle steeds op die uitkyk vir nog ’n ervare slot. “Ons sal graag die Superrugby-groep met nog ’n ervare slot en senter wil aanvul. Dit is iets waarna ons steeds kyk.”

Borgskappe is die BBM se grootste bron van inkomste, gegewe kaartjie- en losieverkope wat die afgelope ses jaar beduidend gedaal het. Die meeste borge het hulle, volgens Meyer, opnuut tot die Bulle verbind terwyl daar dié seisoen ook nuwe borge aan boord gekom het. Die Bulle sal egter ondanks dié positiewe wending bykomende inkomstebronne moet vind.

“Die maatskappy is nie volhoubaar op rugby alleen nie en die integrasie van sokker en rugby op Loftus om dié geriewe ten volle te benut, sal ’n sterk doelwit wees vorentoe.

“Jy moet eenvoudig meer doen met wat jy het en met mnr. (Patrice) Motsepe se belegging (’n 37%-aandeel in die BBM), is daar nou ’n gunstige omgewing hiervoor. “Ons moet uiteindelik beter waarde vir Blou Bulle- en Mamelodi Sundowns-ondersteuners bied en toesien dat Loftus ten volle benut word.”
Back to Top
Transvaal View Drop Down
Admin Group
Admin Group


Joined: 30-Mar-2016
Status: Offline
Points: 31352
Post Options Post Options   Thanks (0) Thanks(0)   Quote Transvaal Quote  Post ReplyReply Direct Link To This Post Posted: 26-Nov-2019 at 8:13am
>> “Ons het in die stadium reeds 60 spelers laat gaan

Dit is HECTIC
Back to Top
 Post Reply Post Reply
  Share Topic   

Forum Jump Forum Permissions View Drop Down

Forum Software by Web Wiz Forums® version 12.01
Copyright ©2001-2018 Web Wiz Ltd.

This page was generated in 0.063 seconds.