Forum Home Forum Home > Rugby Competitions > Super Rugby
  New Posts New Posts RSS Feed - ‘Broederskap’ help Leeus deur taai week
  FAQ FAQ  Forum Search   Events   Register Register  Login Login


The Lions are playing the Sharks in Durban on Saturday 25 May 2019, kickoff at 17:15 SA Time

‘Broederskap’ help Leeus deur taai week

 Post Reply Post Reply
Author
Message
Transvaal View Drop Down
Admin Group
Admin Group


Joined: 30-Mar-2016
Status: Offline
Points: 28380
Post Options Post Options   Thanks (0) Thanks(0)   Quote Transvaal Quote  Post ReplyReply Direct Link To This Post Topic: ‘Broederskap’ help Leeus deur taai week
    Posted: 19-Apr-2019 at 3:05pm
https://www.netwerk24.com/Sport/Rugby/Super-Rugby/broederskap-help-leeus-deur-taai-week-20190419

Dit was soos om ’n pa te verloor.

Só het Ivan van Rooyen, die Leeus se kondisioneringsafrigter, wat Vrydag ingestaan het as die hoofafrigter van dié span in hul Super-kragmeting met die Chiefs, gesê van die skok dat Swys de Bruin vandeesweek inderhaas teruggekeer het na Suid-Afrika weens persoonlike redes.

Van Rooyen het ná die Leeus se indrukwekkende sege oor die Chiefs met 23-17 in Hamilton erken dit was ’n baie moeilike week vir die span van Doornfontein.

Behalwe die raaiselagtige omstandighede waarin De Bruin huis toe is en waaroor ’n kleed van geheimsinnigheid by die Leeus gegooi is, was daar ook die nuus dat ’n hof in Sydney die span se verdedigingsafrigter, Joey Mongalo, skuldig bevind het aan onsedelike aanranding.

Dít is ná aanleiding van ’n voorval in 2018 met ’n werker by ’n hotel in Coogee waar die span tuisgegaan het.

Luidens ’n verklaring deur die Leeus sal Mongalo appelleer teen sy skuldigbevinding, maar sal hy intussen aan ’n interne tugproses onderwerp word.

Verder moes die Springbok-vleuel Courtnall Skosan ook inderhaas terugkeer na Suid-Afrika om sy siek pa by te staan.

“Die manier waarop ons vir hom (De Bruin) omgee en hom mis, maak dit moeilik. Hy is vir ons soos ’n pa,” sê Van Rooyen.

Hy het ook die lof van die kaptein, Warren Whiteley, besing en het hom as iemand spesiaal beskryf wat groot agting afdwing en gerespekteer word.

“Dit was ’n baie moeilike week vir ons en ons is kwaai ontwrig deur al die dinge. Die spelers het geweet hulle moet vir die volle 80 minute fokus en hul liggaam op die spel plaas.

“Hierdie was ’n wedstryd waarin dit nodig was vir die senior spelers om hul hande op te steek en dít is gedoen. Dit was iets besonders,” sê Van Rooyen.

Oor die besluit om die Springbokke Malcolm Marx en Elton Jantjies, wat aanvanklik op die plaasvervangerbank sou wees, in die beginspan in te sluit, het Van Rooyen verduidelik dit is gedoen omdat gevoel is hul ervaring sal vanaf die begin nodig wees.

“Uiteindelik het die sterk gesinsverband wat in die span heers deurgekom en het almal vir mekaar gespeel,” sê hy.

Whiteley het ná die wedstryd gesê: “Wow, wat ’n wedstryd.

“Ons het soveel terugslae die week gehad dat dit baie druk geplaas het, maar dit is fantasties hoe die ouens reageer het en skitterend teruggeveg het op die speelveld. Met alles wat gebeur het en ook die reis wat ons gehad het, was dit nie die ideale voorbereiding vir hierdie wedstryd nie.

“Ek is net baie dankbaar dat ons hierdie een kon wen,” sê Whiteley.
Back to Top
Attie Karate View Drop Down
Ervare Leeu
Ervare Leeu
Avatar

Joined: 31-Mar-2016
Status: Offline
Points: 795
Post Options Post Options   Thanks (0) Thanks(0)   Quote Attie Karate Quote  Post ReplyReply Direct Link To This Post Posted: 19-Apr-2019 at 4:49pm
Uiteindelik het die sterk gesinsverband wat in die span heers deurgekom en het almal vir mekaar gespeel,” sê hy.

Ons het dit nog net hier en daar gesien sover die jaar. Hopelik kan ons meer konstant begin speel. Net nie konstant k@k nie.
Up the Vaal!
Back to Top
 Post Reply Post Reply
  Share Topic   

Forum Jump Forum Permissions View Drop Down

Forum Software by Web Wiz Forums® version 12.01
Copyright ©2001-2018 Web Wiz Ltd.

This page was generated in 0.074 seconds.