Fleck het dít nie sien kom nie

Message Topic Search Topic Options Post Reply Create New Topic Printable Version Translate Topic

   https://www.netwerk24.com/Sport/Rugby/fleck-het-dit-nie-sien-kom-nie-20190217

Daar was Saterdag twee weergawes op Loftus Versfeld:

1. Die Stormers se spanbus het laat by die hotel opgedaag. 2. Daar was ’n verkeersknoop op die snelweg onderweg Loftus toe.

Hoe dit ook al sy, die Stormers het laat opgedaag vir hul Superrugby-ontmoeting met die Bulle en dit het nooit regtig gelyk of die besoekers in ’n bui was om op te ruk Loftus toe nie.

En agterna – nadat die Bulle onverwags ’n puik sege van 40-3 beklink het – het Robbie Fleck, die Stormers se breier, moedig probeer voorgee hy is nie op moedverloor se vlakte nie.

“Ja, dit is taai om so te begin. Ek het dít nie verwag nie en ons sal nou die stukke moet optel,” sê hy.

“Dit was ’n frustrerende vertoning, veral in die lynstane. Jy kan nie op die vlak sonder besit speel nie en ons het in die eerste helfte niks gehad nie. Dit was min of meer al teen rustyd gedane sake,” sê Fleck.

Daar is ná die loesing groot druk op die Stormers, wat die komende week vir die Leeus se aanslag moet voorberei.

“Dit gaan ons nie onderkry nie. Ons was goed in die voorseisoen en het die wedstryd met baie selfvertroue benader. Ons was oortuig ons kon hier kom wen, maar ons besef nou daar is werk wat wag. Dit was ’n afdag.”

Fleck meen dit is te vroeg om die spelers die leviete voor te lees.

“Dit was die eerste wedstryd. Ja, ons het dit nie verwag om so te verloor nie en ons sal waarskynlik die week ’n bietjie skadebeheer moet doen.”

Daar is aanvanklik gedink die Stormers-kaptein, Siya Kolisi, het die veld in die eerste helfte vir ’n harsingskuddingtoets verlaat, maar Fleck sê hy het ’n vinger in die oog gekry en kon nie verder speel nie.

“As jy jou inspirerende leier verloor, is dit ’n slag. Hy het goed begin en het toe die vinger in die oog gekry.”

Die aanduiding is dat Kolisi reg sal wees vir Saterdag se ontmoeting met die Leeus op Nuweland.

“Ons sal ons vinnig moet regruk. Ons begin met drie Suid-Afrikaanse derbies, waarvan twee weg is.

“Wanneer laas het enige Suid-Afrikaanse span die Leeus in die kompetisie geklop? Dit is nou ons uitdaging.”

* Puntemakers

Bulle 40 (21): Drieë: Rosko Specman (2), Johnny Kotze en Jesse Kriel. Strafdoele: Handré Pollard (4). Doelskoppe: Pollard (4).

Stormers 3 (3): Strafdoel: SP Marais.

Author	Message Topic Search Topic Options Post Reply Create New Topic Printable Version Translate Topic
Transvaal Members Profile Send Private Message Find Members Posts Add to Buddy List Admin Group Joined: 30-Mar-2016 Status: Offline Points: 39168	Post Options Post Reply Quote Transvaal Report Post Thanks(0) Quote Reply Topic: Fleck het dít nie sien kom nie Posted: 17-Feb-2019 at 2:15pm
	https://www.netwerk24.com/Sport/Rugby/fleck-het-dit-nie-sien-kom-nie-20190217 Daar was Saterdag twee weergawes op Loftus Versfeld: 1. Die Stormers se spanbus het laat by die hotel opgedaag. 2. Daar was ’n verkeersknoop op die snelweg onderweg Loftus toe. Hoe dit ook al sy, die Stormers het laat opgedaag vir hul Superrugby-ontmoeting met die Bulle en dit het nooit regtig gelyk of die besoekers in ’n bui was om op te ruk Loftus toe nie. En agterna – nadat die Bulle onverwags ’n puik sege van 40-3 beklink het – het Robbie Fleck, die Stormers se breier, moedig probeer voorgee hy is nie op moedverloor se vlakte nie. “Ja, dit is taai om so te begin. Ek het dít nie verwag nie en ons sal nou die stukke moet optel,” sê hy. “Dit was ’n frustrerende vertoning, veral in die lynstane. Jy kan nie op die vlak sonder besit speel nie en ons het in die eerste helfte niks gehad nie. Dit was min of meer al teen rustyd gedane sake,” sê Fleck. Daar is ná die loesing groot druk op die Stormers, wat die komende week vir die Leeus se aanslag moet voorberei. “Dit gaan ons nie onderkry nie. Ons was goed in die voorseisoen en het die wedstryd met baie selfvertroue benader. Ons was oortuig ons kon hier kom wen, maar ons besef nou daar is werk wat wag. Dit was ’n afdag.” Fleck meen dit is te vroeg om die spelers die leviete voor te lees. “Dit was die eerste wedstryd. Ja, ons het dit nie verwag om so te verloor nie en ons sal waarskynlik die week ’n bietjie skadebeheer moet doen.” Daar is aanvanklik gedink die Stormers-kaptein, Siya Kolisi, het die veld in die eerste helfte vir ’n harsingskuddingtoets verlaat, maar Fleck sê hy het ’n vinger in die oog gekry en kon nie verder speel nie. “As jy jou inspirerende leier verloor, is dit ’n slag. Hy het goed begin en het toe die vinger in die oog gekry.” Die aanduiding is dat Kolisi reg sal wees vir Saterdag se ontmoeting met die Leeus op Nuweland. “Ons sal ons vinnig moet regruk. Ons begin met drie Suid-Afrikaanse derbies, waarvan twee weg is. “Wanneer laas het enige Suid-Afrikaanse span die Leeus in die kompetisie geklop? Dit is nou ons uitdaging.” * Puntemakers Bulle 40 (21): Drieë: Rosko Specman (2), Johnny Kotze en Jesse Kriel. Strafdoele: Handré Pollard (4). Doelskoppe: Pollard (4). Stormers 3 (3): Strafdoel: SP Marais.