Leeus maak op Baa-Baas-ervaring staat

Message Topic Search Topic Options Post Reply Create New Topic Printable Version Translate Topic

   https://www.netwerk24.com/Sport/Rugby/Super-Rugby/leeus-maak-op-baa-baas-ervaring-staat-20190213

Die Leeus het ’n voorseisoense wedstryd tussen die Jaguares en Uruguay ontleed in ’n poging om iets wys te word oor die span teen wie hulle Saterdag in Argentinië in hul eerste Superrugby-wedstryd van die jaar te staan kom.

Dít het egter niks gehelp nie, want Uruguay het bykans geen teenstand vir die Argentynse Superrugby-span gebied nie.

“Dit was eintlik van geen waarde nie, want die Jaguares het só ver (61-0) gewen,” sê Swys de Bruin, die Leeus se afrigter.

De Bruin moet dus op kennis staatmaak wat hy elders opgedoen het om sy span so goed as moontlik vir dié kragmeting voor te berei.

“Ons het weer gaan kyk na die wedstryd wat die Barbarians verlede jaar teen Argentinië gewen het,” sê De Bruin, wat die hulpafrigter van daardie Baa-Baas-span was. Drie Leeus – Elton Jantjies, Malcolm Marx en Aphiwe Dyantyi – het ook in daardie span gespeel.

“Ons het ook gekyk na die twee wedstryde wat Argentinië verlede jaar teen die Bokke gespeel het. Die Jaguares en Argentinië se nasionale span is eintlik maar dieselfde span.

“Dit gaan interessant wees om te sien hoe hulle speel, maar ek glo nie hulle gaan vreeslik afwyk van hoe hulle altyd gespeel het nie.

“Ons weet wat hul sterk- en swakpunte is en ons sal ons daarvolgens moet aanpas,” sê De Bruin.

Die Leeus kon die Jaguares nog nooit in hul agterplaas klop nie.

“Ander spanne sukkel ook teen hulle daar anderkant, want dit is glad nie maklik om daar te gaan speel nie.

“Dit is ’n groot uitdaging en een waarna ons bitter baie uitsien. Ons wil graag ons eerste sege daar op ons kerfstok kry.”

Nadat hulle die laaste drie agtereenvolgende jare tot die eindstryd deurgedring het, is dit net natuurlik dat daar groot verwagtinge van die Leeus is – al het hulle verskeie staatmakers verloor. Tog wil De Bruin nie oor eindstryde praat nie.

“Ek dink dit sal onregverdig teenoor die jong spelers wees om enige vergelykings met die laaste paar jaar te tref.

“Ek wil nie daardie bykomende druk op hulle plaas nie.”

Die Leeus gaan egter nie wegbeweeg van die resep wat hulle tot daardie eindstryde gehelp vorder het nie.

“Ons wil drieë druk en mense inspireer deur hoe ons speel. Ons het ’n ervare agterlyn en ’n baie beweeglike agttal.

“Met die spelers tot ons beskikking kan ons nie stampkarrugby speel nie,” sê hy.

Author	Message Topic Search Topic Options Post Reply Create New Topic Printable Version Translate Topic
Transvaal Members Profile Send Private Message Find Members Posts Add to Buddy List Admin Group Joined: 30-Mar-2016 Status: Offline Points: 39116	Post Options Post Reply Quote Transvaal Report Post Thanks(0) Quote Reply Topic: Leeus maak op Baa-Baas-ervaring staat Posted: 13-Feb-2019 at 7:20pm
	https://www.netwerk24.com/Sport/Rugby/Super-Rugby/leeus-maak-op-baa-baas-ervaring-staat-20190213 Die Leeus het ’n voorseisoense wedstryd tussen die Jaguares en Uruguay ontleed in ’n poging om iets wys te word oor die span teen wie hulle Saterdag in Argentinië in hul eerste Superrugby-wedstryd van die jaar te staan kom. Dít het egter niks gehelp nie, want Uruguay het bykans geen teenstand vir die Argentynse Superrugby-span gebied nie. “Dit was eintlik van geen waarde nie, want die Jaguares het só ver (61-0) gewen,” sê Swys de Bruin, die Leeus se afrigter. De Bruin moet dus op kennis staatmaak wat hy elders opgedoen het om sy span so goed as moontlik vir dié kragmeting voor te berei. “Ons het weer gaan kyk na die wedstryd wat die Barbarians verlede jaar teen Argentinië gewen het,” sê De Bruin, wat die hulpafrigter van daardie Baa-Baas-span was. Drie Leeus – Elton Jantjies, Malcolm Marx en Aphiwe Dyantyi – het ook in daardie span gespeel. “Ons het ook gekyk na die twee wedstryde wat Argentinië verlede jaar teen die Bokke gespeel het. Die Jaguares en Argentinië se nasionale span is eintlik maar dieselfde span. “Dit gaan interessant wees om te sien hoe hulle speel, maar ek glo nie hulle gaan vreeslik afwyk van hoe hulle altyd gespeel het nie. “Ons weet wat hul sterk- en swakpunte is en ons sal ons daarvolgens moet aanpas,” sê De Bruin. Die Leeus kon die Jaguares nog nooit in hul agterplaas klop nie. “Ander spanne sukkel ook teen hulle daar anderkant, want dit is glad nie maklik om daar te gaan speel nie. “Dit is ’n groot uitdaging en een waarna ons bitter baie uitsien. Ons wil graag ons eerste sege daar op ons kerfstok kry.” Nadat hulle die laaste drie agtereenvolgende jare tot die eindstryd deurgedring het, is dit net natuurlik dat daar groot verwagtinge van die Leeus is – al het hulle verskeie staatmakers verloor. Tog wil De Bruin nie oor eindstryde praat nie. “Ek dink dit sal onregverdig teenoor die jong spelers wees om enige vergelykings met die laaste paar jaar te tref. “Ek wil nie daardie bykomende druk op hulle plaas nie.” Die Leeus gaan egter nie wegbeweeg van die resep wat hulle tot daardie eindstryde gehelp vorder het nie. “Ons wil drieë druk en mense inspireer deur hoe ons speel. Ons het ’n ervare agterlyn en ’n baie beweeglike agttal. “Met die spelers tot ons beskikking kan ons nie stampkarrugby speel nie,” sê hy.