Swys draai sy maanhare in watte toe

Message Topic Search Topic Options Post Reply Create New Topic Printable Version Translate Topic

   https://www.netwerk24.com/Sport/Rugby/Super-Rugby/swys-draai-sy-maanhare-in-watte-toe-20190129

Swys de Bruin gee toe dat die Leeus die Superreeks “koud” aanpak, met die span se topspelers wat nie veel meer as ’n helfte se rugby sou gespeel het wanneer die kompetisie volgende maand afskop nie.

Maar, eerder dít as te veel rugby in ’n reeks wat eers in Julie ten einde loop.

De Bruin is van plan om Sondag in Kaapstad sy sterkste beginspan te kies vir die superheld-losmaker teen die Haaie.

Dit is die Leeus se laaste kans om verstellings te maak voordat hulle hul veldtog op 16 Februarie in Buenos Aires teen die Jaguares begin.

Die kans is skraal dat die span se topspelers Sondag veel meer as ’n helfte sal speel.

“Ja, ’n ou sou seker vir al die spelers in ons groep meer tyd op die veld wou gee voordat die kompetisie begin, maar ons is terselfdertyd versigtig vir te veel rugby.

“Dit is ’n lang kompetisie en onthou daar is nie vanjaar ’n maand se onderbreking (vir die Junie-toetse) nie.”

De Bruin sê hy “hoop en bid” dat die Leeus nie te veel deur beserings ontwrig sal word nie.

“Ons het verlede seisoen hier teen die vierde ronde reeds spelers soos Malcolm Marx, Warren Whiteley, Marvin Orie, Andries Coetzee en Ross Cronjé verloor.

“Die meeste van die spelers het die Junie-tydperk gebruik om vir oulaas van hul beserings te herstel en was beskikbaar toe die kompetisie in Julie hervat is.

“Al die spanne sal hul beplanning moet aanpas en die spelers baie versigtig bestuur.”

Hy hoop sy span sal Sondag teen die Haaie “met groot intensiteit en onder druk” getoets word.

“Ons sal daarop uit wees om die bal lekker rond te gooi. “Daar sal beslis nie vanjaar afgewyk word van die Leeus-resep nie.”

De Bruin sê vyf van die jong manne wat Saterdag in Pretoria teen die Bulle gespeel het, sal in die groep van 26 spelers ingesluit word vir die tog Kaap toe.

“Ons sal vanjaar op die jong ouens staatmaak. Die uitdaging is om in die agttal die leemtes van Franco Mostert, Jaco Kriel, Ruan Ackermann, Jacques van Rooyen en Ruan Dreyer te vul.

“Ek hou baie van sulke uitdagings en ek het regtig vertroue in die talent wat by die Leeus op die voorgrond tree.”

Whiteley het intussen van sy kuitbesering herstel en sal in die Kaapstad-stadion voor draf in die Leeus se Spider-Man-trui.

Volgens De Bruin is dit uit ’n nasionale oogpunt belangrik dat een of twee Suid-Afrikaanse franchises vanjaar onder die voorste ses spanne in die reeks eindig.

“Ons het dit nodig as ’n grondslag vir die Wêreldbeker-toernooi later vanjaar. Glo my, dit sal Rassie (Erasmus, die Bok-afrigter) se taak baie makliker maak.”

Author	Message Topic Search Topic Options Post Reply Create New Topic Printable Version Translate Topic
Transvaal Members Profile Send Private Message Find Members Posts Add to Buddy List Admin Group Joined: 30-Mar-2016 Status: Offline Points: 39123	Post Options Post Reply Quote Transvaal Report Post Thanks(0) Quote Reply Topic: Swys draai sy maanhare in watte toe Posted: 29-Jan-2019 at 6:59pm
	https://www.netwerk24.com/Sport/Rugby/Super-Rugby/swys-draai-sy-maanhare-in-watte-toe-20190129 Swys de Bruin gee toe dat die Leeus die Superreeks “koud” aanpak, met die span se topspelers wat nie veel meer as ’n helfte se rugby sou gespeel het wanneer die kompetisie volgende maand afskop nie. Maar, eerder dít as te veel rugby in ’n reeks wat eers in Julie ten einde loop. De Bruin is van plan om Sondag in Kaapstad sy sterkste beginspan te kies vir die superheld-losmaker teen die Haaie. Dit is die Leeus se laaste kans om verstellings te maak voordat hulle hul veldtog op 16 Februarie in Buenos Aires teen die Jaguares begin. Die kans is skraal dat die span se topspelers Sondag veel meer as ’n helfte sal speel. “Ja, ’n ou sou seker vir al die spelers in ons groep meer tyd op die veld wou gee voordat die kompetisie begin, maar ons is terselfdertyd versigtig vir te veel rugby. “Dit is ’n lang kompetisie en onthou daar is nie vanjaar ’n maand se onderbreking (vir die Junie-toetse) nie.” De Bruin sê hy “hoop en bid” dat die Leeus nie te veel deur beserings ontwrig sal word nie. “Ons het verlede seisoen hier teen die vierde ronde reeds spelers soos Malcolm Marx, Warren Whiteley, Marvin Orie, Andries Coetzee en Ross Cronjé verloor. “Die meeste van die spelers het die Junie-tydperk gebruik om vir oulaas van hul beserings te herstel en was beskikbaar toe die kompetisie in Julie hervat is. “Al die spanne sal hul beplanning moet aanpas en die spelers baie versigtig bestuur.” Hy hoop sy span sal Sondag teen die Haaie “met groot intensiteit en onder druk” getoets word. “Ons sal daarop uit wees om die bal lekker rond te gooi. “Daar sal beslis nie vanjaar afgewyk word van die Leeus-resep nie.” De Bruin sê vyf van die jong manne wat Saterdag in Pretoria teen die Bulle gespeel het, sal in die groep van 26 spelers ingesluit word vir die tog Kaap toe. “Ons sal vanjaar op die jong ouens staatmaak. Die uitdaging is om in die agttal die leemtes van Franco Mostert, Jaco Kriel, Ruan Ackermann, Jacques van Rooyen en Ruan Dreyer te vul. “Ek hou baie van sulke uitdagings en ek het regtig vertroue in die talent wat by die Leeus op die voorgrond tree.” Whiteley het intussen van sy kuitbesering herstel en sal in die Kaapstad-stadion voor draf in die Leeus se Spider-Man-trui. Volgens De Bruin is dit uit ’n nasionale oogpunt belangrik dat een of twee Suid-Afrikaanse franchises vanjaar onder die voorste ses spanne in die reeks eindig. “Ons het dit nodig as ’n grondslag vir die Wêreldbeker-toernooi later vanjaar. Glo my, dit sal Rassie (Erasmus, die Bok-afrigter) se taak baie makliker maak.”