Bulle en Haaie speel gelykop in klipharde sukkelst

Message Topic Search Topic Options Post Reply Create New Topic Printable Version Translate Topic

   https://www.netwerk24.com/Sport/Rugby/bulle-en-haaie-speel-gelykop-in-klipharde-sukkelstryd-20190209

Die Haaie en Bulle het Saterdagmiddag op ’n skoolveld in Ballito aan die KwaZulu-Natalse noordkus met 7-7 gelykop gespeel in hul laaste wedstryd ter voorbereiding op vanjaar se Superrugby-reeks.

Die Bulle het die pap aanvanklik dik aangemaak, met Handré Pollard wat vroeg-vroeg deur ’n gaping geglip het en Jesse Kriel wat net-net nie die bal voor die doodlyn gedruk kon kry vir ’n drie nie.

Ná ’n kwartier was daar egter nog geen telling nie, en is spel gekenmerk deur groot plettervatte, en heelwat ongedwonge foute aan albei kante.

Die Haaie se lynstane het oudergewoonte gelol met ’n paar kritieke balle wat op hul eie ingooi verloor is.

Die Bulle het uiteindelik, ná bykans ’n halfuur, eerste bloed getrek toe hul nuwe Springbokhaker, Schalk Brits, van ’n aanvallende lynstaan af deur sy pak oorgedryf is.

Die Haaie het egter skaars vyf minute later teruggeslaan met ’n drie deur die skrumskakel, Cameron Wright, ná ’n breekslag deur die hardwerkende Tyler Paul op flank.

Daar was aanvanklik verwarring oor of Curwin Bosch se doelskop suksesvol was, maar dit is uiteindelik wel toegeken.

Dit het die halftydtelling, en inderdaad die eindtelling, op 7-7 te staan te bring.

Albei afrigters het ná ’n kwartier in die tweede skof heelwat veranderinge aangebring, maar dit het geensins afbreek gedoen aan die intensiteit van die kragmeting nie.

Met die hitte wat die Bulle effens begin aantas het, het die Haaie groter gebiedsvoordeel begin kry in die laaste kwart en het van hul nuwelinge die kans aangegryp om ’n merk te maak.

Jong spelers soos die stut Khutha Mchunu, die flank Phepsi Buthelezi en die skrumskakel Grant Williams het veral beïndruk en hou groot belofte in.

Die Haaie vertrek nou na Singapoer waar hulle Saterdag hul Super Rugby-veldtog teen Japan se Sunwolves afskop, terwyl die Bulle later dieselfde dag die Stormers tuis die stryd aansê.

* Puntemakers:

Haaie 7 (7): Drieë: Cameron Wright. Doelskoppe: Curwin Bosch (1).

Bulle 7 (7): Drieë: Schalk Britz. Doelskoppe: Handré Pollard (1).

Author	Message Topic Search Topic Options Post Reply Create New Topic Printable Version Translate Topic
Transvaal Members Profile Send Private Message Find Members Posts Add to Buddy List Admin Group Joined: 30-Mar-2016 Status: Offline Points: 39116	Post Options Post Reply Quote Transvaal Report Post Thanks(0) Quote Reply Topic: Bulle en Haaie speel gelykop in klipharde sukkelst Posted: 10-Feb-2019 at 6:04am
	https://www.netwerk24.com/Sport/Rugby/bulle-en-haaie-speel-gelykop-in-klipharde-sukkelstryd-20190209 Die Haaie en Bulle het Saterdagmiddag op ’n skoolveld in Ballito aan die KwaZulu-Natalse noordkus met 7-7 gelykop gespeel in hul laaste wedstryd ter voorbereiding op vanjaar se Superrugby-reeks. Die Bulle het die pap aanvanklik dik aangemaak, met Handré Pollard wat vroeg-vroeg deur ’n gaping geglip het en Jesse Kriel wat net-net nie die bal voor die doodlyn gedruk kon kry vir ’n drie nie. Ná ’n kwartier was daar egter nog geen telling nie, en is spel gekenmerk deur groot plettervatte, en heelwat ongedwonge foute aan albei kante. Die Haaie se lynstane het oudergewoonte gelol met ’n paar kritieke balle wat op hul eie ingooi verloor is. Die Bulle het uiteindelik, ná bykans ’n halfuur, eerste bloed getrek toe hul nuwe Springbokhaker, Schalk Brits, van ’n aanvallende lynstaan af deur sy pak oorgedryf is. Die Haaie het egter skaars vyf minute later teruggeslaan met ’n drie deur die skrumskakel, Cameron Wright, ná ’n breekslag deur die hardwerkende Tyler Paul op flank. Daar was aanvanklik verwarring oor of Curwin Bosch se doelskop suksesvol was, maar dit is uiteindelik wel toegeken. Dit het die halftydtelling, en inderdaad die eindtelling, op 7-7 te staan te bring. Albei afrigters het ná ’n kwartier in die tweede skof heelwat veranderinge aangebring, maar dit het geensins afbreek gedoen aan die intensiteit van die kragmeting nie. Met die hitte wat die Bulle effens begin aantas het, het die Haaie groter gebiedsvoordeel begin kry in die laaste kwart en het van hul nuwelinge die kans aangegryp om ’n merk te maak. Jong spelers soos die stut Khutha Mchunu, die flank Phepsi Buthelezi en die skrumskakel Grant Williams het veral beïndruk en hou groot belofte in. Die Haaie vertrek nou na Singapoer waar hulle Saterdag hul Super Rugby-veldtog teen Japan se Sunwolves afskop, terwyl die Bulle later dieselfde dag die Stormers tuis die stryd aansê. * Puntemakers: Haaie 7 (7): Drieë: Cameron Wright. Doelskoppe: Curwin Bosch (1). Bulle 7 (7): Drieë: Schalk Britz. Doelskoppe: Handré Pollard (1).