Forum Home Forum Home > General Rugby > SA Rugby Issues
  New Posts New Posts RSS Feed - Geld-galg wurg Grens Rugbyunie
  FAQ FAQ  Forum Search   Events   Register Register  Login Login


The Lions next play the Ospreys in Swansea in the URC on 30 March 2024, kickoff is at 17:05

Geld-galg wurg Grens Rugbyunie

 Post Reply Post Reply
Author
Message
Transvaal View Drop Down
Admin Group
Admin Group


Joined: 30-Mar-2016
Status: Offline
Points: 39037
Post Options Post Options   Thanks (0) Thanks(0)   Quote Transvaal Quote  Post ReplyReply Direct Link To This Post Topic: Geld-galg wurg Grens Rugbyunie
    Posted: 17-Dec-2018 at 4:35pm
https://www.netwerk24.com/Sport/Rugby/geld-galg-wurg-grens-20181215

Die finansiële situasie by die Grens Rugbyunie (GRU) is só beroerd dat dié unie nie ’n professionele span op die been kan bring vir die 2019-seisoen nie.

Die Bulldogs sal volgende jaar nie in die SuperSport-uitdaagreeks óf die Curriebeker-reeks se Eerste Liga deelneem nie, het Rapport betroubaar verneem. Dit sal die eerste keer in die beroepsera wees dat een van Suid-Afrika se 14 unies nie aan ’n professionele kompetisie deelneem nie.

Die wyse waarop die verkose ampsdraers Grens die afgrond in bestuur het, is skokkend. Hierdie ampsdraers kom skotvry daarvan af terwyl die spelers en werknemers die pyn en gevolge moet dra

Met ’n administrateur van die Suid-Afrikaanse Rugbyunie (Saru) in beheer van die unie, is die erns van die saak nou duidelik. Die wanbestuur deur die GRU se administrasie is erger as wat verwag is.

Dit is die gevolg van swak korporatiewe bestuur wat daartoe gelei het dat die unie vir die tweede keer in etlike jare onder Saru-administrasie geplaas is.

Volgens Rapport se inligting sal die toelae vir die uitsaairegte wat Grens van Saru kry, slegs gebruik word om sy skuld te betaal. Dié skuld beloop tans R18 miljoen.

Die GRU sê die koste vir hul provinsiale span, die Bulldogs, kan weens toenemende skuld nie gedek word nie. Dié koste beloop sowat R3 miljoen.

Met administrasiekoste wat bykans R5 miljoen vir die jaar beloop, is daar ook nie geld om werknemers in die stelsel te hou nie.

Die skuld sal dus oor die volgende jaar tot bykans R25 miljoen styg. Basil Haddad, Saru se administrateur, probeer dringend keer dat die damwal breek.

Grens gaan nou dieselfde roete as die Oostelike Provinsie volg en vir ’n jaar of twee geen spelers kontrakteer nie.

Die eerste prioriteit sal wees om klub-, vroue- en skolerugby te beskerm en die amateur-strukture te behou. Eers wanneer die geldsake gestabiliseer word, sal daar weer na professionele rugby gekyk word.

Terwyl 29 personeellede deur ’n afleggingsproses hul werk verloor het, het vier werknemers wat lede van Sport Employees Unite (SEU) is, en wat op vastetermynkontrakte is, die geveg om hul werk te behou vandeesweek gewen. Dié vier personeellede sal van volgende jaar af binne die unie se strukture ontplooi word.

Die GRU wou aanvanklik dié vier personeellede afdank, maar het nie geld om hul kontrakte, wat saam ’n geraamde R1,4 miljoen beloop, uit te betaal nie.

Daar word gehoop dat die stadion-personeel se salarisse deur die Buffalo City-munisipaliteit oorgeneem sal word. Sulke gesprekke sal in die nuwe jaar gevoer word om te voorkom dat die stadion vervalle raak.

Volgens die uitvoerende hoof van SEU, Piet Heymans, is dit ’n hartseerdag vir rugby.

“Die wyse waarop die verkose ampsdraers Grens die afgrond in bestuur het, is skokkend. Hierdie ampsdraers kom skotvry daarvan af terwyl die spelers en werknemers die pyn en gevolge moet dra,” sê Heymans.

“Ons sal in die nuwe jaar met Saru praat om te kyk of daar meer omvattende en vroegtydige maatreëls ingestel kan word om soortgelyke gevalle in die toekoms te verhoed.

“Miljoene rande word in die hande van verkose ampsdraers geplaas en ons bevraagteken of daar genoeg kontrole en oorsig daaroor is.”

Die spelersorganisasie MyPlayers het ook in ’n stadium die GRU probeer likwideer, maar administrateurs het die spelers oorreed om die aansoek terug te trek. Skaars ’n maand later is daar aangekondig dat Grens nie nuwe kontrakte aan spelers gaan aanbied nie en met ’n afleggingsproses sou begin.

’n Woordvoerder van Saru het aan Rapport gesê die bepalings van volgende jaar se SuperSport-uitdaagreeks en die Eerste Liga van die Curriebeker-reeks is nog nie vasgestel nie.
Back to Top
 Post Reply Post Reply
  Share Topic   

Forum Jump Forum Permissions View Drop Down

Forum Software by Web Wiz Forums® version 12.01
Copyright ©2001-2018 Web Wiz Ltd.

This page was generated in 0.094 seconds.