Bly maar aan in Parys, sê Bulle aan Stassen

Message Topic Search Topic Options Post Reply Create New Topic Printable Version Translate Topic

   https://www.netwerk24.com/Sport/Rugby/Super-Rugby/bly-maar-aan-in-parys-se-bulle-aan-stassen-20190308

Die belowende jong Bul-voorspeler Hendré Stassen gaan nie terugkeer Loftus Versfeld toe nie.

Daar is op goeie gesag verneem die Franse klub Stade Français het die Bulle ’n ruim bedrag aangebied om Stassen se dienste permanent te bekom.

Die besluitnemers by Loftus het Stassen, wat tot 2021 ’n Bulle-kontrak gehad het, reeds in kennis gestel hy hoef nie meer aan die einde van die maand vir Superrugby-diens in Pretoria aan te meld nie.

Die 21-jarige Stassen, wat ewe tuis op slot en flank is, het die afgelope paar maande groot opgang gemaak in Franse rugbykringe.

Hy is aanvanklik net aan Heyneke Meyer se span in Parys geleen, maar sy impak in Stade se agttal was sedertdien so invloedryk dat die voormalige Springbok-afrigter hom nou by die Bulle afgerokkel het.

Sy markwaarde het die hoogte in geskiet en die vooruitsig om by die Bulle met Lood de Jager, RG Snyman en Jason Jenkins mee te ding, het Stassen se loopbaanbesluit vergemaklik.

Die besluit kom op ’n tyd wat die Bulle sou kon doen met die Boksburg-bielie se fisieke spel.

De Jager en Snyman, dié franchise se twee voorste slotte, is albei beseer en ook Eli Snyman, wat hom verlede week uitstekend van sy taak gekwyt het teen die Leeus, kan nie môre teen die Haaie speel nie.

Die Bulle pak die besoekers nou met ’n saamgeflanste slotpaar van Jenkins en Hanro Liebenberg.

Stassen het verlede maand by Sun City by die groep aangesluit toe die Bulle ’n spanbousessie gehou het.

Dit was glo toe reeds duidelik dat sy kop Frankryk toe staan.

Die Blou Bulle Maatskappy (BBM) het kort daarna by navraag voet by stuk gehou dat Stassen ’n Bul bly.

“Hy het ’n kontrak met die Bulle en dit moet eerbiedig word. Ons het ’n leningsooreenkoms (met Stade) en dit is niks meer as dit nie,” het die BBM gesê.

Afgesien van die kans om Meyer as ’n mentor te hê, vind Stassen glo aanklank by die voormalige Ierse slot en kaptein, Paul O’Connell, wat Stade Français se voorspelers afrig.

* Die Bulle het verlede seisoen ook afskeid geneem van die belowende slot Ruben van Heerden.

Van Heerden, wat soos Stassen ’n Junior Bok is, het ’n kontrak van drie jaar met die Haaie gesluit en is môre ’n plaasvervanger teen sy ou span.

Author	Message Topic Search Topic Options Post Reply Create New Topic Printable Version Translate Topic
Transvaal Members Profile Send Private Message Find Members Posts Add to Buddy List Admin Group Joined: 30-Mar-2016 Status: Offline Points: 40235	Post Options Post Reply Quote Transvaal Report Post Thanks(0) Quote Reply Topic: Bly maar aan in Parys, sê Bulle aan Stassen Posted: 08-Mar-2019 at 5:27pm
	https://www.netwerk24.com/Sport/Rugby/Super-Rugby/bly-maar-aan-in-parys-se-bulle-aan-stassen-20190308 Die belowende jong Bul-voorspeler Hendré Stassen gaan nie terugkeer Loftus Versfeld toe nie. Daar is op goeie gesag verneem die Franse klub Stade Français het die Bulle ’n ruim bedrag aangebied om Stassen se dienste permanent te bekom. Die besluitnemers by Loftus het Stassen, wat tot 2021 ’n Bulle-kontrak gehad het, reeds in kennis gestel hy hoef nie meer aan die einde van die maand vir Superrugby-diens in Pretoria aan te meld nie. Die 21-jarige Stassen, wat ewe tuis op slot en flank is, het die afgelope paar maande groot opgang gemaak in Franse rugbykringe. Hy is aanvanklik net aan Heyneke Meyer se span in Parys geleen, maar sy impak in Stade se agttal was sedertdien so invloedryk dat die voormalige Springbok-afrigter hom nou by die Bulle afgerokkel het. Sy markwaarde het die hoogte in geskiet en die vooruitsig om by die Bulle met Lood de Jager, RG Snyman en Jason Jenkins mee te ding, het Stassen se loopbaanbesluit vergemaklik. Die besluit kom op ’n tyd wat die Bulle sou kon doen met die Boksburg-bielie se fisieke spel. De Jager en Snyman, dié franchise se twee voorste slotte, is albei beseer en ook Eli Snyman, wat hom verlede week uitstekend van sy taak gekwyt het teen die Leeus, kan nie môre teen die Haaie speel nie. Die Bulle pak die besoekers nou met ’n saamgeflanste slotpaar van Jenkins en Hanro Liebenberg. Stassen het verlede maand by Sun City by die groep aangesluit toe die Bulle ’n spanbousessie gehou het. Dit was glo toe reeds duidelik dat sy kop Frankryk toe staan. Die Blou Bulle Maatskappy (BBM) het kort daarna by navraag voet by stuk gehou dat Stassen ’n Bul bly. “Hy het ’n kontrak met die Bulle en dit moet eerbiedig word. Ons het ’n leningsooreenkoms (met Stade) en dit is niks meer as dit nie,” het die BBM gesê. Afgesien van die kans om Meyer as ’n mentor te hê, vind Stassen glo aanklank by die voormalige Ierse slot en kaptein, Paul O’Connell, wat Stade Français se voorspelers afrig. * Die Bulle het verlede seisoen ook afskeid geneem van die belowende slot Ruben van Heerden. Van Heerden, wat soos Stassen ’n Junior Bok is, het ’n kontrak van drie jaar met die Haaie gesluit en is môre ’n plaasvervanger teen sy ou span.