Kwagga Smith het van ’n ligte kuitbesering herstel en sal die Leeus se nr. 7-trui dra in Saterdag se Superrugby-stryd teen die Stormers.

Smith se insluiting – in Hacjivah Dayimani se plek – is een van drie veranderinge wat Swys de Bruin, die Leeus-breier, aan sy beginspan aangebring het wat die Jaguares verlede week in Buenos Aires geklop het.

Op vleuel vervang Ruan Combrinck nóg ’n Springbok, Aphiwe Dyantyi.

Die voormalige Haaie-slot Stephan Lewies sal sy Superrugby-buiging vir die Leeus maak. Hy is in Rhyno Herbst se plek op nr. 5 gekies.

Herbst, Dayimani en Dyantyi is al drie op die plaasvervangersbank gekies, terwyl Sti Sithole, Gianni Lombard en Sylvian Mahuza ook op die bank ingesluit is.

* Leeus-span: Andries Coetzee, Ruan Combrinck, Lionel Mapoe, Harold Vorster, Courtnall Skosan, Elton Jantjies, Nic Groom, Warren Whiteley (k), Kwagga Smith, Marnus Schoeman, Stephan Lewies, Marvin Orie, Carlu Sadie, Malcolm Marx, Dylan Smith. PLAASVERVANGERS: Pieter Jansen, Sti Sithole, Jacobie Adriaanse, Rhyno Herbst, Hacjivah Dayimani, Gianni Lombard, Aphiwe Dyantyi, Sylvian Mahuza.