Maties, Jurie se hofsaak begin in Mei

Message Topic Search Topic Options Post Reply Create New Topic Printable Version Translate Topic

   https://www.netwerk24.com/Sport/Rugby/maties-jurie-se-hofsaak-begin-in-mei-20190110

Jurie Roux, uitvoerende hoof van die Suid-Afrikaanse Rugbyunie (Saru), en die Universiteit Stellenbosch (US) sal mekaar uiteindelik in Mei in die hooggeregshof in Kaapstad aanvat.

Daar word beweer dat Roux miljoene rande onregmatig na die Maties-rugbyklub gekanaliseer het.

Roux was voor sy aanstelling by Saru die US se direkteur van finansiële beplanning en batebestuur.

Frikkie Erasmus, sy prokureur, het Donderdag aan Netwerk24 bevestig dat die hofdatum 13 Mei is.

Luidens ’n ondersoekverslag deur die ouditfirma KPMG is die bedrag ter sprake R35 miljoen – R21 miljoen aan die rugbyklub, R9 miljoen vir algemene uitgawes en R5 miljoen vir beurse aan studente.

KPMG voer in sy verslag aan dat Roux tussen 2002 en 2010 die finansiële stelsels van die universiteit “gemanipuleer” het ter wille van “onregmatige” en “ongemagtigde” besteding.

Roux ontken die aantygings.

Hy is in 2010 as Saru se uitvoerende hoof aangestel en die beheerliggaam se uitvoerende raad het in 2014 eenparig besluit om sy kontrak tot 2019 te verleng.

Dit was ondanks die aantygings teen hom.

Rugbybase voer aan dat dit ’n private saak tussen Roux en die US is.